Веќе неколку дена во српската јавност владее прашањето која е Ирина Јованка, која на изборот за Мис на слободата во Призрен со рацете го покажа знакот двоглав орел.
Сопственичката на агенцијата „Мис Ју“, која е одговорна за официјалните избори за убавици вели дека првпат слуша за овој избор и дека никогаш досега не се сретнала со девојката. Она што е сигурно е дека не победила на официјален избор.
Во меѓувреме, Ирина смета дека нема ништо страшно во тоа што го направила со рацете знакот на „голема Албанија“, а за време на изборот најмногу се дружела со мисиците од Косово и Албанија.
