Оскаровката Никол Кидман, покрај своите улоги, позната е и по нејзината љубов и поврзаност со двете мачки, Џинџер и Сноу.
Во едно интервју таа изјавила дека чувствува дека со нив има силна и нераскинлива врска. Затоа и секогаш ги носи со себе, а на минатогодишниот филмски фестивал во Колорадо тие прошетале со неа и на црвениот тепих.
Никол тврди и дека своите миленичиња ги носи со себе кога оди на долги пешачења.
Двете мачиња ги чува на својата фарма во Нешвил, каде има и кокошки и риби. За прошетка, мачките ги носи во транспортер во форма на ранец, кој тие го обожаваат и самите „скокаат“ во него и бараат да се шетаат.
Сепак ова не им се допаѓа на активистите за заштита на мачките, според кои за да ѝ биде удобно, мачката мора да има доволно простор да застане на четири нозе или целосно да легне.
