Стилот на шпанската кралица Летиција отскокнуваше уште кога почна да се појавува меѓу претставниците на благородничките семејства, но сега се искачи на многу повисоко и поупадливо ниво.
Нејзините појавувања на официјалните настани секогаш поминуваа забележани, пред сè бидејќи Летиција е убава жена и нејзината заносна појава е тешко да не се забележи, а исто така и поради тоа што со својот стил скоро секогаш се издвојува.
Иако секогаш префинета и максимално женствена, пред неколку дена беше критикувана поради модните избори од страна на странските медиуми, бидејќи, како што пишуваат, нејзиниот стајлинг бил премногу екстравагантен не само во однос на пригодата, туку првенствено по прашањето на улогата која Летиција ја поседува, а тоа е онаа кралската.
Во историјата на појавување на жените со висок кралски чин, а во овој случај највиоск, не се случило една кралица на свечен настан на кој е почесен гостин да се појави практично со гол грб со екстравагантни модни детали на тоалетата, како што во овој случај беа перјата.
Покрај тоа, стајлингот беше заокружен со црни елегантни панталони кои ја следат линијата на телото и црни потпетици.
Веднаш по овие критики, кралицата Летиција повторно преизвика бура во Токио за време на инаугурацијата на царот Нарухито.
Нејзиниот макси цветен фустан кого го потпишува Матилде Кано беше апсолутно во центарот на вниманието на сите модни медиуми.
Шпанската принцеза изгледа веќе не се грижи за стилската умереност која се подразбира во кралскиот правилник за облекување.
Погледнете и некои од нејзините претходни појавувања во јавност.
