Фотографијата од матурската прослава на Хана, на која нејзините родители, Наташа Беквалац и Данило Икодиновиќ, позираат заедно, ја воодушеви јавноста.
Иако се разведени веќе 14 години, Хана објави заедничка фотографија со мајка си и татко си, која предизвика многу емоции на социјалните мрежи. По повод матурската вечер, двајцата родители дојдоа да ја поддржат својата ќерка. Насмеани и заедно на исто место – тоа е слика што ретко се гледа по разводот на познатата двојка.
Инаку, Наташа еднаш зборуваше за тешката сообраќајна несреќа што Данило ја доживеа додека беа во брак.
– Несреќата на Данило е дефинитивно нешто што остави трага на моето срце, и со таа лузна ќе умрам. Надворешниот свет за мене во тој период речиси и не постоеше, затоа што Хана ја гледав само еднаш дневно и тоа многу кратко. Речиси три месеци поминав во болница, и сите таму беа толку добри што чувствуваа дека се случува нешто чудесно меѓу двајца луѓе – затоа што никој не би го преживеал тоа. Таа ситуација, иако со многу лоша прогноза, заврши на најдобар можен начин во тој момент. Тоа е чувство што не би посакала никој да го доживее – изјави Наташа.
Таа додаде и дека нивниот брак веќе бил во криза пред несреќата, иако јавноста не знаела.
– Ние веќе имавме сериозни проблеми во бракот за кои никој не беше информиран. Тоа беше момент кога, дури и да не бевме во добри односи, моравме еден на друг да си бидеме поддршка. Никој, па ни јас, не се разведува од некого затоа што е сè убаво и хармонично. Зедницата стана неиздржлива, постоеја грешки и од моја и од негова страна. Не се чувствував осамено, затоа што имав огромна поддршка од луѓето што ме сакаат. Но, кога ќе се подземе цртата, секогаш си сам – дури и кога домот ти е полн. Секогаш сам го избираш својот пат, но и сам одговараш за последиците од своите одлуки.
