Музичкиот магазин „Ролинг Стоун“ за прв пат по 17 години ја освежи својата листа со топ 500 најдобри песни на сите времиња.
Оригиналната листа беше објавена во 2004 година и оттогаш многу работи се сменија, некои нови уметници созреаа, а некои нови музички жанрови го најдоа својот пат до листата. Во изборот на најдобрите песни учествуваа повеќе од 250 уметници, музичари, продуценти, критичари и новинари, а листата вклучуваше дури 254 нови песни.
На прво место беше легендарната песна „Respect“ изведена од Арета Френклин од 1967. Песната првично ја сними Отис Рединг, но токму во изведбата на Арета ја доживеа најголемата популарност.
Второто место и припадна на песната „Fight the Power“ (1989) изведена од „Public Enemy“, а третото беше „A Change Is Gonna Come“ (1964) од Сем Кук.
Потоа следува „ Like a Rolling Stone“ (1965) од Боб Дилан, потоа Нирвана со „Smells Like Teen Spirit“ (1991).
Марвин Геј заврши на шестото место со песната „What Going On“ (1971), потоа „Strawberry Fields Forever“ (1967) од легендарните Битлси на седмо место, „Get Ur Freak On“ (2001) од Миси Елиот на осмо, „Dreams“ (1977) Fleetwood Mac, а во топ 10 завршува песната „Hey Ya!“ (2003) изведена од Outcast.
