Бизнисменот и самопрогласен „крал на веѓите“, Адам Адактар, гостуваше во една емисија каде откри која од познатите личности го разочарала, бидејќи соработувал со многумина.
Без влакна на јазикот, Адактар откри дека токму пејачот Милан Станковиќ дошол во неговиот салон, ги средил веѓите и се навредил кога му ја наплатиле услугата.
– Ме контактираше во порака и рече: „Ги сакам твоите веѓи“, му се јавив, девојките му наплатија на крајот, а тој се навреди – рекол Адам Адактар.
Водителката потсети дека Адактар веќе во една прилика ја раскажал таа приказна, но потоа не сакал да открие за кого се работи.
– Ете сега кажав. Глупост. После тоа повеќе не се слушнавме – признал Адактар, а на прашањето какво мислење има за него денес, изненади со своето признание.
– Феноменално. Не знам каде исчезна човекот, но тој беше предвесник на сѐ. Добро за него! На некој начин тој беше српскиот Џастин Бибер – истакна Адам Адактар.
