Меган Маркл (37) и принцот Хари (34) ја слават првата годишнина од бракот, а по тој повод на нивниот официјален Инстаграм профил е објавено прекрасно видео.
Видеото се состои од досега невидени црно-бели фотографии од фотографот Крис Алертон. Во видеото е и звукот од познатата песна „This Little Light Of Mine” која Војвотката од Сасекс и Хари лично ја избраа.
Кралскиот пар на овој фотограф му ја даде довербата и при фотографирањето на синот Арчи Харисон Маунтбатен – Виндзор кој на свет дојде неодамна.
„Среќна прва годишнина од бракот на нивните кралски височества, војводата и војвотката од Сасекс. Денес навршува една година од венчавката на војводата и војвотката. Заветите ги разменија во капелата Св. Јури на 19. мај 2018 година. Се надеваме дека ќе уживате во сеќавањето на овој момент и фотографиите од нивниот посебен ден“, стои на официјалниот Инстаграм профил на брачниот пар.
И Меган и Хари на денешниот ден ги споделија своите чувства и среќата по повод првата годишнина од брачниот живот.
„Ви благодариме за сета љубов и поддршка на сите вас ширум светот. Секој од вас го направи тој ден значаен“, порачаа новопечените родители.
