Пејачката Марија Микиќ соопшти на Инстаграм дека нејзиниот концерт, закажан за 5 јули, е откажан. Како што откри, поради нарушено здравје и по препорака на лекарите, била принудена да го одложи настапот.
Марија неодамна помина низ две операции на истиот ден во Турција, поврзани со гласните жици, и сега мора да направи пауза за целосно закрепнување.
– Драги мои, со голема тага ве известувам дека, поради ненадејни здравствени проблеми и препорака од лекарите, морам да го откажам концертот во Подгорица, закажан за 5 јули – напиша Марија.
– Верувајте, многу се радував на оваа средба и срцето ми е скршено што нема да се видиме тогаш. Здравјето сега мора да биде приоритет, но штом оздравам – се враќам посилна од кога било и ќе пееме од срце! Ви благодарам на разбирањето, љубовта и поддршката. Ве сакам и ќе се видиме наскоро. Ваша, Мара – стои во нејзиното соопштение.
Да потсетиме, изминативе недели естрадата бруи за брачната состојба на Марија и нејзиниот сопруг Јован. Тој ја отследи од Инстаграм, а потоа, откако тоа предизвика бројни реакции во јавноста, повторно ја заследи.
Јован Пантиќ, инаку, веќе извесен период не живее со семејството во Белград, а Марија е на патување – што беше доволен повод за да се појават гласини за можен развод.
