Познатата пејачка ги изненади обожавателите со изјавата за хигиена и потврди дека во текот на неколкумесечната изолација не водела многу грижа за косата, и ја миела многу ретко, пренесува Дејли мејл.
– Мислам дека во последните четири месеци двапати ја измив косата. Еднаш за вас, а еднаш за сер Елтон Џон – рече Мајли.
Со оглед на тоа што славните дами најчесто имаат фризери кои се грижат за нивните коси, веројатно Мајли ретко сама ја мие косата.
„Ова дефинитивно не е добар потег бидејќи темето лачи своја природна маснотија, која по некое време треба да се отстрани за да се отстранат мртвите клетки и процесот на раст на косата да се одвива нормално. Освен тоа, кога некој не ја мие косата, се зголемува опасност од разни болести, а да не зборуваме за убавината на косата. Лошиот третман и немиењето на косата може да доведе до разни пореметувања и болести на темето, гниди и вошки, па сè до сериозни проблеми како што е опаѓање на косата. Косата дише и ако е загушена со себумот што се натрупува, настануваат низа проблеми“, коментирала Петра Мужек, сопственичка на фризерски салон за хрватскиот портал 24сата.
