Еден милион долари е сумата која Мадона ќе ја добие за својот настап на Евровизија во Тел Авив, што ќе се одржи во мај оваа година.
На својот специјален настап таа ќе отпее две песни, една од нејзините стари хитови и една нова песна. На сцената ќе излезе со придружба од 160 лица, меѓу кои и танчери и придружни вокали.
Евровизија ќе се одржува од 14 до 18 мај, а една од водителките е и моделот Бар Рафели.
Како наша претставничка ќе настапи Тамара Тодевска, со песната „Proud“.
