Документарниот филм „Сале“ за Саша Поповиќ привлече големо внимание во јавноста. За првпат јавно проговорија лекарите кои биле покрај Саша Поповиќ од почетокот на неговата здравствена борба. Неговата сопруга Сузана Јовановиќ се присети дека сè започнало навидум безазлено – со скршеница на ногата која тешко заздравувала.
Но, Лепа Брена не сакаше да каже ниту збор за Сузана ниту за Саша. Регионалната ѕвезда вчера се врати од Сараево во друштво на својот сопруг Боба Живојиновиќ и синот Виктор, а нивното пристигнување на белградскиот аеродром привлече големо внимание.
Семејството пристигна попладне, а Брена беше видливо расположена сè до моментот кога новинарите ја прашаа дали го гледала филмот за Саша Поповиќ, како и дали се слушнала од неговата вдовица, Сузана Јовановиќ, објави svet-scandal.rs.
На тоа прашање – целосен молк.
Пејачката продолжи да оди без коментар, не вадејќи ги очилата за сонце, додека Боба и Виктор одеа чекор зад неа.
Собраните новинари се обидоа да добијат барем кратка изјава, но Брена не сакаше да одговори. Таа не негираше, не потврди – само молчеше и влезе во автомобилот што ги чекаше пред аеродромот.
Претходно, многумина се прашуваа дали како негова долгогодишна соработничка и пријателка и Лепа Брена ќе се појави во филмот за Саша Поповиќ.
Останува да се види дали пејачката одлучила да ја остави чувствителната тема надвор од медиумите или ќе даде соопштение подоцна. Едно е сигурно – нејзината тага на комеморацијата на Саша Поповиќ не остана незабележана.
