Стефан Суботиќ е волшебник за трансформации. Својот талент го открил пред 10 години. Со години шминкал жени за свадби, девојки за матурски вечери и други свечени прилики, а понекогаш знае да се „среди“ и себеси.
Со внимателните потези на четката неговото лице ги попримило контурите на Морган Фримен, Меган Фокс, Мајкл Џексон, Бали бег и многу други.
Сега посакал да биде една од најголемите ѕвезди на бивша Југославија, фолк пејачката Лепа Брена.
„Брена и јас близначки, или? Чест ми е да бидам таа, па дури и на два часа“, вели Стефан.
Смета дека со ова се надминал себеси.
Иако Брена уште не му се јавила, во 2018 година го контактирала Ким Кардашијан и го пофалила кога се трансформирал во нејзината мајка Крис Џенер.
