Најстарите членови на британското кралско семејство, кралицата Елизабета II (94) и нејзиниот сопруг принцот Филип (99), Божиќ за првпат од 1949-та година ќе го дочекаат сами, без никој од своите потомци и без празнична церемонија.
Тие ја донесоа таа одлука, во духот на пандемиските мерки, пренесуваат британските медиуми.
Иако Британците во карантин отидоа малку порано од очекуваното, тие очекуваат за празниците да имаат покомотна ситуација и дека дружењето нема да биде забрането, но кралицата и принцот не сакаат да ризикуваат.
Последен пат кога се случила оваа раритетна ситуација, било во 1949-та година, а парот тогаш бил на патување во Малта. Елизабета тогаш го оставила едногодишниот Чарлс во Велика Британија и отпатувала на Малта со сопругот, кој тогаш и служел на морнарицата.
Кралицата веќе најави и дека нема да присуствува на овогодишната Божиќна миса, но затоа ќе ужива во приватната капела во својот дворец Виндсор.
