Крег е одликуван со орден на Св. Мајкл и Св. Џорџ (CMG), а кралицата го одликуваше за неговиот извонреден придонес во филмската индустрија.
Во неодамна објавениот филм „No Time to Die“ од франшизата за Џејмс Бонд, Крег за последен пат ја толкуваше улогата на познатиот таен агент.
Одликувани здравствени работници, спортисти и политичари
Предводниците на јавното здравство во Англија, Шкотска и Велс – Крис Вити, Грегор Смит и Френк Атертон – се одликувани за витези, а почести им припаднаа и на оние кои биле вклучени во производството на вакцини.
Најдолговечниот премиер на Лабуристите, Тони Блер, рече дека е „неверојатна чест“ што станал носител на најстарата и највитешката почест што кралицата ја дава без да се консултира со владата.
„Сакам да им се заблагодарам на сите што служеа со мене, во политиката, во јавниот сектор и во сите делови од нашето општество, за нивната посветеност на нашата земја“, рече Блер.
Витез стана и велосипедистот Џејсон Кени, освојувач на седмиот златен медал на Олимписките игри во Токио. Неговата сопруга Лора Кени, најуспешната британска олимпијка, првата што освоила злато на три последователни Олимписки игри, е прогласена за дама.
Почести добија вкупно 78 олимпијци и параолимпијци.
Новогодишните одличја датираат од владеењето на кралицата Викторија во 19 век, а им се доделуваат не само на познати личности, туку и на оние кои придонеле за државата.
