– Кога не можеме да пееме, тогаш ќе се сликаме – низ шега вели познатата фолк-пејачка Татијана Стефановска, која за своите обожаватели подготви неколку „интересни“ фотки.
Нејзиниот коментар се должи околу кризата со коронавирусот, кој најмногу ги погоди токму музичарите. Тие сè уште немаат дозвола да почнат со работа, па за тоа како што изјави пејачката, не им останува ништо друго, освен да се сликаат.
Стефановска во соработка со Кристијан Белеза направи неколку жешки фотографии, кои ги објави на социјалните мрежи. Таа позира во виолетово палто под кое не носи градник и токму поради тоа глетката е „магична“.
Инаку атрактивната пејачка беше доста активна пред коронавирусот. Таа во јануари ја објави песната „Избери“, додека во март публиката ја почести со уште една песна која носи наслов „На свадба ми дојдоа“.
– Едвај чекам да заврши оваа криза, па да се вратиме во нормалниот живот, а со тоа и да продолжам со тоа што најдобро го знам да го работам – ни изјави познатата пејачка.
