Пејачката Кејти Пери и актерот Орландо Блум досега во повеќе наврати покажаа интересна смисла за мода и стил, меѓутоа обожавателите ќе се согласат дека со последното нивно појавување ги надминаа сите досегашни изданија.
Бремената Кејти и Орландо се упатија на прошетка на една од плажите во неговата родна Санта Барбара, вљубено разменувајќи нежности. Погледите ги привлече џемперот на Кејти и карираниот фустан. Орландо прошета со кратки шорцеви и маица без ракави, додека двајцата носат шешири од слама.
Нивната ќерка ќе пристигне на свет наскоро, во текот на ова лето, а Орландо има 9-годишен син, добиен од неговиот прв брак со актерката Миранда Кер.
Актерот од филмскиот серијал „Господар на прстените“ во последното негово интервју за „Добро утро Америка“ открива дека е многу возбуден, што наскоро ќе ја дочека својата прва ќерка.
„Ова е волшебно време, како ангел да се спушта на земјата. Така се чувствувам.“- потврдува Блум.
