Некогаш се случува во продавница чевлите да ви бидат удобни на нога, но веќе кога ќе отидете дома, да сфатите дека ве „уништуваат“.
Постои мал трик за да ја избегнете таа непријатна ситуација, а тоа е времето кога ги купувате. Колку и да ви се чини бизарно, најдобро време за купување елегантни чевли е по работното време, кога стапалата ви се отечени.
Вистинско време за купување патики е веднаш по тренингот, следејќи ја истата логика како и за елегантните обувки.
Според некои истражувања, жените повеќе страдаат по чевли кои веќе не можат да ги носат, отколку по поранешното момче. Неверојатни 92% од жените се сеќаваат на првите чевли кои ги купиле со свои заработени пари, но половина од нив не можеле да се сетат на името на оној со кого првпат се бакнале.
Интересно е и што 96% жалат по уништени чевли, а само 15% по прекината врска.
