Ќерката на Мадона, Лурдес Лион е една од заштитните лица на новата кампања на модниот бренд на Ријана „Savage X Fenty“. Покрај неа во ултра секси изданија се појавуваат и Синди Крафорд и Емили Ратајковски.
Третата колекција на Ријана денес се прикажува исклучиво на „Amazon Prime“, а Лурдес ја најави со серија жешки фотографии кои ги објави на својот инстаграм-профил. Таа позира во латекс градник, наметка и чизми високи до бутовите.
„Прекрасна си, Лурдес. Ги имаш очите на мајка ти“, коментираше еден од нејзините следбеници под објавата, а потоа следеа уште многу коментари со пофални зборови за нејзиниот атрактивен изглед.
Лурдес дебитираше на модната писта во 2018 година на модната недела во Њујорк, а ова не е првпат да биде во улога на модел за долна облека. Таа позираше и за линијата „Parade x Juicy Couture“, а се појави и во кампањи за „Swarovski“ и Марк Џејкобс.
Во септември ќерката на Мадона се појави на насловната страница на „Vogue“ заедно со Џиџи Хадид и Каја Гербер.
