Пејачката Марија Микиќ и нејзиниот поранешен сопруг Јован Пантиќ, и покрај тоа што ставија точка на бракот, останаа во коректни односи и заедно се посветени на воспитувањето на своите деца.
Според пишувањата на српските медиуми, при поделбата на заедничката имотна состојба, најголема ставка била семејната куќа на Бежаниска коса, која ѝ припаднала на Марија и децата – ќерката Ѓурѓа и синот Милија.
Јован, пак, на својот инстаграм-профил објави фотографија со наследниците, покажувајќи дека и по разводот семејната идила продолжува.
Пејачката претходно јавно се огласи и со емотивно писмо упатено до медиумите и фановите.
„Драги мои, долго време должев одговор на прашањата што ги поставувавте. Јован и јас решивме да не бидеме повеќе заедно. Животните патишта и приоритети нè однесоа на различни страни и, иако се трудевме да го пребродиме тешкиот период, не успеавме. Од нашата љубов добивме два ангела, и тоа е најголемата благодат. Иако љубовта меѓу партнерите не е повеќе во прв план, остануваат почитта, убавите спомени и заедничката обврска да бидеме најдобри родители“, изјави Марија, додавајќи дека во иднина нема да се огласува на оваа тема.
Марија Микиќ и Јован Пантиќ се венчаа во 2023 година, а нивната љубовна приказна долго беше пред очите на јавноста. Денес, иако не се повеќе брачни партнери, нивната заедничка цел останува најважната – среќата и растењето на децата.
