Марија Шерифовиќ веќе три години живее на релација Белград-Лос Анџелес, а во американскиот град, според српските медиуми, престојува во стан од сто квадрати. Станот во кој познатата пејачка живее од септември 2016 година, сместена е во мирниот дел на Лос Анџелес, на авенијата „Барингтон“ и чини околу 300.000 долари, пишува Курир.рс.
Во луксузниот стан има голема соба, кујна, спална, бања и двор.
„Марија во Америка има многу пријатели. Еден од нив ѝ нашол стан на локацијата што ја сакала. Не сум сигурен дали станот е во нејзина сопственост или го изнајмува, само знам дека го реновирала и го уредила според своите желби. Не знам како изгледа сега, но сигурно подобро и поексклузивно од претходно“, навел изворот.
Тој додал дека Марија е прекрасна сосетка.
-Фина е и културна. Никого не вознемирува, го почитува куќниот ред. Овде луѓето си ја гледаат својата работа и само некој што е од Србија знае дека е таа музичка ѕвезда. Кога некој ќе ја препознае, Марија се фотографира и разговара со него“, додал изворот.
Марија во неколку наврати потенцираше дека ѝ годи животот во Америка.
„Ја пронајдов државата во која ќе остарам. Вистинската причина поради која отидов во Америка е можноста да уживам во Градот на анѓелите, во добрата клима, во океанот, во својот нов стан и во новиот автомобил“, рекла Марија.
