Македонската пејачка Антониа Гиговска и музичарот Роберт Спасенцовски му направија голема роденденска забава на синот Киан, кој на 14 јули наполни една година.
Среќните родители му направија тематска прослава со диносауруси во еден скопски локал, чиј простор беше целосно украсен со балони и украси со таа тематика.
Исто така, на самиот влез било поставено табло со фотографии на малиот Киан, на кое пишувало „Добредојдовте на првиот роденден на Киан“ („Welcome to Kian’s 1st Birthday“).
Киан добил и торта со диносауруси, со свеќичка во форма на бројката 1 и името на славеникот.
За овој повод, Гиговска облекла тесен сив фустан, а и косата ѝ била врзана во опавче.
Да потсетиме, Гиговска и Спасенцовски пред некој ден објавија семејна фотосесија по повод првиот роденден на Киан.
