Вчера принцот Хари го прослави својот 37. роденден. По тој повод тој и неговата сопруга Меган Маркл се појавија на насловната страница на списанието „Тајм“.Славниот пар беше вклучен во листата на 100 највлијателни луѓе во светот.
„Во свет во кој секој има мислење за луѓе што не ги познава, војводата и војвотката имаат сочувство кон луѓето што не ги познаваат“, велат од списанието „Тајм“ за својот избор.
View this post on Instagram
„Меган и Хари ризикуваат да им помогнат на оние што имаат потреба, особено во однос на менталното здравје и да им помогнат на оние што се погодени од природни катастрофи во Индија и Карибите“, велат од престижното списание.
За оваа пригода принцот Хари се појави во црно издание – маичка со крагна и црни панталони, додека Меган позираше во бел комбинезон.
Нивната фотографија предизвика лавина од коментари на социјалните мрежи. И додека имаше такви на кои им се допадна фотографијата, имаше и голем број од оние кои жестоко ги критикуваа.
View this post on Instagram
„Ужасно се средени и фотошопирани“, „Ова мора да е шега“, „Можете да видите кој во ова семејство носи панталони“, „Зошто се крие зад неа?“, „Ова е срамно“, „По што се тие влијателни луѓе?“, беа дел од коментарите.
View this post on Instagram
Веста со насловната страница беше споделена и на инстаграм-профилот на нивната фондација „Archewell“.
„Овој портрет е првата заедничка, официјална фотографија на светски познатата двојка за насловната страница на списанието“, е описот на фотографијата на која Хари и Маркл позираат во есенски амбиент.
