Познатата водителка Снеже Велков раскажа интересна животна приказна, преку впечатлива и метафорична објава на Инстаграм.
Снеже испрати силна животна порака инспирирана од велигденските празници и симболиката на јајцата.
Во својата објава, таа прави паралела меѓу луѓето и велигденските јајца, делејќи ги на три типа – силни, кревки и „расипани“, нагласувајќи дека секој од нив има свое место и значење во животот. Но, најсилната порака ја упатува кога станува збор за третата категорија, потенцирајќи дека не треба да се игнорираат првичните сигнали дека нешто не е во ред.
„Лекции од велигденските јајца – исти се како луѓето. Има три вида. Едни, не попуштаат под притисок. Колку повеќе ги удираш, толку повеќе држат. Со нив знаеш на што си. И убаво е да имаш такви покрај себе. Со нив и ти си појак. Макар имал и само еден.
Други – се кршат. Кревки се… ама барем се вистински. Е со нив треба поинаку. За друго им е намената – да ти ја нахранат душичката.
А третите… смрдат. Корнат. На почеток мислиш – не е до нив. Сигурно ти се причинува. Гледаш – однадвор убави, сјајни… па си викаш „ај не е тоа“.
Ама поминува време, а „мирисот“ не поминува. Ги тргаш малку подалеку… ама не се одмирисува. Само повеќе се шири.
И тука е лекцијата: Не чекај да стане неподносливо за да си признаеш дека тука „нешто смрди“.
Значи: Не давај втора шанса на нешто што на прва не мириса добро“, напиша Снеже со неколку велигденски слики кои ги сподели.
View this post on Instagram
