Американскиот пејач Лени Кравиц синоќа (4 август) ѝ приреди вистински спектакл на својата многубројна публика во Охрид, која со нетрпение го очекуваше неговиот трет концерт во Македонија. Тој првпат настапи во Охрид во 2008 година, а потоа имаше концерт и во Скопје во 2019 година.
Рок легендата уште еднаш покажа зошто важи за еден од најенергичните изведувачи и дека дури и во седмата деценија од својот живот знае да направи вистинско шоу на кое може да позавидат неговите помлади колеги.
Една од оние кои присуствуваа на овој концерт беше и македонската поп принцеза Каролина Гочева, која денес сподели заедничка фотографија со Кравиц на својот инстаграм-профил.
„Имал среќа што се сликал со тебе“, „Две вистински ѕвезди“, „Легенди“ и бројни коментари со љубов и воодушевување се најдоа под нејзината објава.
