Македонската пејачка Мартија Станојковиќ (21), која ретко споделува детали од приватниот живот, овој пат направи исклучок. По повод роденденот на својот сакан Матеј Козаков, таа објави неколку романтични фотографии од патување во Љубљана.
На објавите се гледа како парот шета низ дождливите улици под чадор, како се бакнуваат вљубено, а потоа Матеј дува свеќичка на колач во ресторан. Со нежна порака на Инстаграм Стори, пејачката му го честита роденденот со зборовите: „Среќен роденден, љубов.“
Мартија и Матеј се во врска околу две до три години, но таа отсекогаш настојувала да го држи љубовниот живот подалеку од очите на јавноста. Иако ретко зборува за емоциите, повремено споделува фотографии од нивните заеднички патувања.
Својата врска ја потврдија во летото 2023 година, кога Мартија откри дека е вљубена, но на почетокот го криеше ликот на Матеј. Првата нивна заедничка фотографија како пар ја објавија неколку месеци подоцна – на свадба во Скопје.
