Нашиот дизајнер Златко Јовановски ѝ направи креација на најголемата мексиканска ѕвезда Талија, која на македонската јавност ѝ е позната по теленовелата „Росалинда“.
Талија присуствуваше на концерт на Мадона во Њујорк и се појави во модно издание инспирирано од кралицата на поп-музиката, а со потпис на нашиот дизајнер.
Имено, Јовановски ѝ дизајнираше впечатлив корсет во златна боја, кој само ја надополни успешната трансформација на Талија, која сакаше да потсетува на Мадона од осумдесеттите години.
„Како девица“, напиша Талија, алудирајќи на големиот хит на Мадона – „Like a Virgin“ од 1984 година.
View this post on Instagram
И самиот Јовановски сподели фотографии од нејзиниот изглед и отворено го покажа неговото воодушевување.
„Вистинската дива Талија повторно носи парче од нашиот бренд. Овој златен корсет изгледа одлично на неа“, напиша тој.
View this post on Instagram
