Македонскиот фолк-пејач Јордан Митев и неговата сопруга Славица имаа двоен повод за славење – нивниот син Кристијан наполни една година, а истиот ден беше и крстен.
Малиот Кристијан е роден на големиот христијански празник Крстовден, па неговиот прв роденден семејството го одбележа токму на празникот, заедно со неговото крштевање.
По тој повод, Митев сподели фотографии од семејната прослава и му упати емотивна порака на својот син.
„Сине мој, нека ти е честито и благословено светото крштевање, нека ти е вечно името и среќен 1-ви роденден. Господ секогаш нека биде со тебе и нека те води по правиот пат. Сè што сакав друго да ти кажам и да ти посакам го има во песната што ти ја посветив, за секогаш да те потсетуваат моите зборови. Амин“, напиша пејачот.
Јордан на својот син му посвети и песна, преку која ги преточи своите желби и пораки за неговата иднина.
Пејачот и неговата сопруга Славица ја имаат и ќерката Кристина. Таа се роди во периодот кога Митев беше на турнеја во Австралија, а пејачот претходно ѝ посвети песна и нејзе.
