Српската пејачка Јелена Карлеуша во последните денови неколкупати беше видена во друштво на 23-годишниот Александар Шево, поради што во регионалните медиуми се појавија шпекулации дека меѓу нив можеби има нешто повеќе од пријателство.
Станува збор за млад човек кој работи во модната индустрија, а јавноста веќе имала можност да го види покрај Карлеуша.
Александар се појавува во нејзиниот спот за песната „Balkan Boy“, а според српските медиуми, двајцата се запознале преку заеднички соработници.
Александар има 23 години и е 25 години помлад од Карлеуша. „Информер“ пишува дека потекнува од имотно семејство и дека е посветен на работата, но не сака премногу да се експонира во јавноста.
Во последниот период Карлеуша и Шево сè почесто се појавуваат заедно. Освен за време на ноќни излегувања, Александар бил забележан и како ја придружува пејачката на нејзините професионални обврски и ја носи на снимањата на музичкото натпреварување „Ѕвездите на Пинк“.
Нивна заедничка фотографија неодамна објави и македонскиот шоумен Боки 13.
Шпекулациите дополнително се засилија откако Александар ја пречека Карлеуша на белградскиот аеродром по нејзиното враќање од Салцбург. Тој дошол со автомобил по неа, а потоа заедно заминале од аеродромот.
Сепак, Карлеуша досега не потврдила дека е во љубовна врска со 23-годишниот Александар. Напротив, откако започнаа гласините за нивниот однос, пејачката изјавила дека тој е нејзин добар пријател и дека меѓу нив нема романса.
Нивното познанство е поврзано и со работата. Александар учествувал во снимањето на спотот за „Balkan Boy“, а новите проекти и соработката, според пишувањата на српските медиуми, придонеле двајцата да поминуваат повеќе време заедно.
