Американската академија за филм и наука, која е организатор на доделувањето на престижната награда Оскар, најави дека поради престанувањето на работата на кината поради коронавирусот, само филмовите прикажани на стриминг платформите и видео „Pay-per-View“ ќе бидат во конкуренција за доделувањето на Оскарите наредната година, извести Ројтерс.
Досега филмовите можеа да конкурираат за Оскар под услов да се најмалку седум дена прикажувани во некое кино во Лос Анџелес, но и ширум САД, но поради епидемијата на коронавирусот, кината се затворени, а премиерите на бројни нови филмски остварувања се откажани.
Најголемите американски прикажувачки ланци „AMC“, “Regal” и “Sinemark” соопштија дека не очекуваат реактивирање на кино-салите пред крајот на јуни или почетокот на јули.
Терминот за следната церемонија за доделување на Оскарите засега не е променет и би требало да се одржи на 28 февруари 2021 година.
