Младиот пејач Јаков Јозиновиќ продолжува да руши рекорди на регионалната сцена, а билетите за неговите концерти се распродаваат во рекордно време.
Во интервју, тој отворено зборуваше за успехот, емоциите и приватниот живот, нагласувајќи дека токму емоцијата е неговиот најсилен двигател.
„Јас сум на мајка ми – таа е голем емотивец. Емоцијата ми е водилка во сè, па и во секоја песна. Кога пеам балади, ме поминуваат морници и ги пуштам – нека си дојдат“, изјави Јозиновиќ.
Тој откри и дека никогаш формално не учел пеење.
„Гласот ми е таков каков што е – не сум учел да пеам, едноставно така сум роден“, додава пејачот.
Зборувајќи за престојот во Белград, призна дека уживал во градот, но и во храната.
„Не сум бил по журки, но панорамата е прекрасна. Искрено, јадев толку многу што не можев да дишам, а потоа имав концерт“, рече низ смеа.
Јозиновиќ се осврна и на заблудите што ги имал пред да стане познат.
„Мислев дека познатите личности ме сакаат. Човек треба да биде тоа што е – сè друго е непотребно“, искрено призна тој.
Кога станува збор за љубовта, пејачот вели дека е емотивен, но внимателен.
„Заљублив сум по природа, но тешко се давам. Сериозно ги сфаќам тие работи, иако сум млад“, додаде Јозиновиќ.
Неговиот успех го потврдува и серијата концерти во Сава центар, каде интересот е огромен – за само 15 минути биле продадени 4.000 билети за еден од настапите.
Пејачот Сергеј Ќетковиќ неодамна истакна дека Јозиновиќ „ја вратил младината на фабрички поставки“, пофалувајќи ја неговата искреност и енергија на сцената.
