Новиот филм за Џејмс Бонд , „No Time To Die“ требаше да започне со прикажување во кината во Велика Британија на 2 април.
Меѓутоа, потврдено е дека датумот за излегување на филмот е одложен за ноември 2020 година поради коронавирусот, пишуваат странските медиуми.
Продуцентите најавија дека одлуката ја донеле по будно набљудување и темелни проценки на глобалниот пазар.
The film will be released in the U.K. on November 12, 2020 with worldwide release dates to follow, including the US launch on November 25, 2020.
— James Bond (@007) March 4, 2020
Даниел Крег (51) во 2017 година потврди дека по петти пат ќе го глуми британскиот таен агент 007. Во новиот филм Бонд ќе ужива во мирниот живот на Јамајка по напуштањето на тајната служба, се додека не го посети стариот пријател Феликс Литер од ЦИА и му побара услуга.
Џејмс Бонд франшизата е една од најпрофитабилните во филмскиот свет. „Spectre“ од 2015 година заработи 880 милиони долари, а „Skyfall“ од 2012 повеќе од милијарда долари.
