Итан Сапли денес изгледа потполно поинаку и живее здрав начин на живот.
Американскиот актер Итан Сапли (43) својата кариера ја започнал во серијата „Boy Meets World“, па потоа го гледавме во филмовите „American History X“, „Remember the Titan”, „John Q”, а многумина го памтат од популарната хумористичка серија „My Name is Earl”.
Итан бил препознатлив лик по својата прекумерна тежина, благодарение на која добивал улоги на добри ликови, понекогаш помалку збунети, но и улоги на негативци. Но, денес тој 43-годишен актер изгледа потполно поинаку и на прв поглед навистина е тешко да го препознаете.
Изгубил повеќе од 80 килограми, се префрлил на здрава исхрана и вежбање во теретана, а започнал и сопствен поткаст за новиот начин на живот.
На Инстаграм споделува фотографии од својот нов имиџ и фотографии од теретана, меѓу кои знаат понекогаш да се најдат и стари фотографии од времето кога тежел скоро 200 килограми, па со тоа ги изненадува обожавателите.
Денес тој се наоѓа во медиумите благодарение токму на неговата неверојатна трансформација. Иако се надевал дека со тек на време ќе добие повеќе понуди за нови улоги, тоа не се случило, а некои режисери дури и му откажале договори, токму поради тоа што наводно бил „преслаб“.
Неговите фанови веруваат дека тоа наскоро ќе се промени и дека ќе уживаат во неговиот препознатлив хумор.
