Номинациите за Оскар ќе бидат објавени во понеделник, и секако очекуваме меѓу номинираните да се најде и македонскиот документарец „Медена земја“.
И оваа, како и минатата година, на церемонијата на доделување на Оскарите нема да има водител.
Кери Берк, претседателката на ТВ-мрежата Еј-Би-Си, изјави дека „преносот ќе се фокусира на она што добро функционираше и минатата година, како добра забава, врвни музички настапи и многу комедија и ѕвезди“.
Минатогодишата церемонија требаше да ја води комичарот Кевин Харт, кој се повлече по скандалот со навредливите твитови. Преносот имаше втора најслаба гледаност во историјата.
„Еј-Би-Си и Академијата за филмски уметности и наука се согласија церемонијата да оди без домаќин втора година по ред“, изјави Кери Берк.
Номинациите за Оскар ќе бидат објавени во понеделник, и секако очекуваме меѓу номинираните да се најде и македонскиот документарец „Медена земја“.
