27-годишниот музичар Камбел Меклафлин, член на бендот „Jam for Freedom“, кој свири за „слобода во одлучувањето за сопственото здравје“, изјави за списанието „Ролинг Стоун“, дека Клептон донирал илјада фунти на бендот преку платформата „GoFundMe“ (страница за приватни донации) кога нивниот автомобил бил општетен во сообраќајна несреќа.
Меклафлин исто така рече дека Клептон донирал повеќе пари, неповрзани со кампањата на „GoFundMe“, но одби да открие колку точно добиле од славниот рокер.
Покрај тоа, Клептон, наводно, им го понудил своето комбе како привремена замена за нивниот расипан автомобил. „Ролинг Стоун“ пишува дека Клептон изразил желба да соработува со бендот и ги пофалил дека свират за „слобода поврзана со здравјето“.
Американските медиуми ова го протолкуваа како факт дека Клептон веќе не поддржува само анти-вакцинација туку и ја финансира.
