Додека дизајнерката Мелина Галиќ го кажуваше судбоносното „да“ на британскиот милионер Џефри Пол Арнолд во романтичното Портофино, нејзиниот поранешен сопруг, Харис Џиновиќ, очигледно уживаше во животот.
Популарниот пејач бил забележан за време на ноќно излегување, во опуштена атмосфера и во друштво на пријатели, каде со добро расположение пеел и се веселел.
Во неговото друштво бил и поранешниот фудбалер Саво Милошевиќ, што дополнително ја збогатило атмосферата исполнета со музика, смеа и дружење.
Во меѓувреме, нивниот син Кан Џиновиќ се огласи на социјалните мрежи, објавувајќи насмеано селфи, со што индиректно покажа дека е фокусиран на сопствениот мир, далеку од случувањата поврзани со свадбата.
За разлика од него, неговата сестра Џина има поинаков однос кон новиот живот на мајка си. Таа е во близок контакт со Мелина, редовно ја посетува во Монако и веќе воспоставила пријателски однос со нејзиниот нов сопруг.
Семејството неодамна било заедно на ручек, каде, според изворите, Џина и британскиот бизнисмен одлично се вклопиле и се зближиле.
