Дивата свиња по име Путин со години живее мирно во паркот за диви животни Мехлмајзел во Баварија, а во контекст на актуелните настани мораше да го смени името.
Цели четири години, дива свиња тешка 200 килограми го носеше името Путин, симболично, бидејќи е родена во Русија. Меѓутоа, работниците неодамна решија да го сменат името поради руската агресија во Украина.
„Ние сме хармоничен, убав мал парк на диви животни и такво име едноставно не одговараше“, објаснија тие и објавија дека свињата сега се вика Еберхофер – тоа име победи според гласовите на Интернет.
Името Еберхофер доби 1.198 гласови, додека на второто место се најде името Густл, за кое гласаа 1.013 учесници, а во потесниот круг се најдоа имињата Игор, Фредерик и Мир, пренесува Индекс.хр.
Имињата Зеленски и Кличко беа всушност фаворити, но тимот од „Вајлдпарк“ Валдхаус Мелмајзел не можеше дополнително да си игра со политиката.
Повеќе од 2.700 луѓе дадоа свои предлози за новото име на свињата, а името Еберхофер дојде од водител на популарна забавна програма како алузија на „криминалните романи на Еберхофер“ напишани од Рита Фалк во кои Еберхофер е главниот јунак истражувач.
