Глумицата Џенифер Анистон која го глумеше ликот на Рејчел Грин во култната серија „Пријатели“ , вчера ги изненади сите кога конечно отвори инстаграм-профил и објави селфи со своите колеги од серијата.
Таа успеа дури после 16 години од емитување на последната епизода од серијата да ги обедини Џои (Мет Лебланка), Моника (Кортни Кокс), Чендлер (Метју Пери), Фиби (Лиса Кудров) и Рос (Дејвид Швимер), за легендарно селфи кое буквално го сруши интернетот.
Инстаграм за американскиот медиум E! News, изјавил дека поради огромната заинтересираност на луѓето да ја заследат Џенифер, мрежата се соочила со потешкотии кои тие во моментов пробуваат да ги разрешат.
Фановите со нетрпение го очекуваат секој нареден чекор на 50-годишната актерка и сè повеќе се прашуваат дали нејзиниот чекор значи и нова сезона на серијата или пак долгометражен филм за кого одамна веќе се шпекулира.
Нејзиниот поранешен сопруг, Џастин Тероукс, беше меѓу првите кои оставија коментар на објавата.
Исто така и неколкумина познати личности споделија слика со Џенифер во чест на нејзиното приклучување на оваа социјална мрежа.
