Најпознатиот канадски рокер и творец на најубавите балади, Брајан Адамс настапува во среда на 13 ноември во Скопје, односно во спортската сала „А1 Арена“.
Адамс доаѓа во Македонија во рамки на турнејата „Shine A Light“, а фановите на големо се подготвуваат за познатите хитови: „Summer Of 69, „Heaven“, „Everything I Do, I Do It For You“, „Cuts Like A Knife“, „Have You Ever Really Loved A Woman“, „All For Love“, песни поради кои стана светска ѕвезда.
Како и сите светски ѕвезди, така и тој имал некои посебни барања за време на престојот во Скопје, а со оглед на тоа дека и тој и целиот негов тим се вегани, познато е дека кетерингот не содржи намирници од животинско потекло.
Единствено во кое бил категоричен популарниот пејач е дека не смее во салата да почуствува било каков мирис на храна.
Адамс е присутен на музичката сцена скоро 44 години, а има продадено преку 100 милиони носачи на звук.
