Српскиот рапер Драгомир Депсиќ Десингерица е нов член на „Ѕвездите на Пинк“, а неговите „кавгички“ со Јелена Карлеуша привлекуваат најголемо внимание.
Десингерица прво се занимавал со кошарка, потоа со тетовирање, а на крај влегол во музички води.
Тој привлекува внимание со своите настапи, како и со својот изглед, па затоа овие денови сите зборуваат за неговите стари фотографии.
Desingerica – nekad i sad pic.twitter.com/QHbLv2rdL8
— iskreni komentator (@iskrenikomentar) September 7, 2023
На нив можете да видите сосема поинаков млад човек – со чероки фризура, плочки на стомакот, без ниту една тетоважа и 10 килограми полесен.
Десингерица стана познат во јавноста во текот на претходните две години, главно поради неговите контроверзни настапи. За време на настапите, тој ренда сирење врз главите на луѓето во публиката, а понекогаш ги „крштева“ со патика, до доведување цело јагне на сцената.
За време на настапот во Црна Гора, Десингерица се надмина себеси во бизарноста.
Стави палачинка врз главата на еден обожавател во публиката, потоа рендаше сирење, додаде сос, па малку се напи од сосот и го плукна врз палачинката – односно врз главата на момчето.
Некогаш перспективниот спортист, денес е ексцентрична музичка ѕвезда. Прашањето е – која верзија од него ја претпочитате?
