Пејачката Ана Николиќ повторно ја вознемири јавноста со своите чекори по пријавата за семејно насилство против композиторот Горан Ратковиќ – Рале.
Според домашните медиуми, Ана по пријавата решила целосно да го прекине секој контакт со Рале. Го блокирала на сите социјални мрежи, го променила телефонскиот број и спакувала сè што ѝ припаднало од него – подароци, лични работи и гардероба – по што ги изнела на улица и ги фрлила покрај контејнер.
„Не сакаше да задржи ниту еден спомен. Јасно стави до знаење дека со него е готово. Последна капка беа неговите јавни изјави во кои ја спомна и нејзината ќерка Тара“, изјавил извор близок до пејачката за магазинот Свет.
Композиторот, пак, не ја негира дека дошло до инцидент, но тврди дека насилството било „обострано“ и дека нивната врска била „токсична“.
„Не знам кој е насилник, а кој жртва. Не можевме да издржиме три дена без кавга. Ана ја разби собата, кршеше чинии, ми се закани дека ќе ме прободе со нож. Јас ја држев за раце и се обидував да ја смирам. Во тоа неволно ја удрив, а потоа ја обгрлив и ја спуштив на под, молејќи ја да престане“, изјави Ратковиќ, додавајќи дека има снимки од настанот.
Ана Николиќ, иако повредена и разочарана, според блиските останува цврста во одлуката да го остави минатото зад себе.
„Таа е фокусирана на кариерата и на ќерката Тара. На сите блиски им кажа – никогаш повеќе со Рале“, вели изворот.
