Поранешната учесничка во реалните шоуа и јавна личност, Ава Карабатиќ, повторно е во центарот на вниманието. Според најавите, таа би можела да биде дел од новата, деветта сезона на шоуто „Елита“.
До неодамна, Карабатиќ беше во тешка животна ситуација, откако го загуби својот татко Ивица, кој почина на 59-годишна возраст од срцев удар. Таа јавно побара финансиска помош преку социјалните мрежи за трошоците за погребот, велејќи дека нема од што да живее.
Сега, познатата хрватска старлета изгледа решена да го остави најтешкиот период зад себе. Со фотографија објавена пред зградата на телевизијата Пинк и кратка порака „Наскоро“, таа навести дека повторно ќе се појави пред камерите.
Покрај најавата за враќање на малите екрани, Карабатиќ најави и судска постапка против поранешната реалити-учесничка Бојана Павловиќ. Причината е, како што тврди, клевета и јавно блаћење на нејзино име преку социјалните мрежи.
„Доста беше. Не дозволувам повеќе моето име да се користи за евтини сензации. Наивната и луцкаста Ава повеќе не постои. Секој што ќе се обиде да ме понижува со лаги ќе одговара пред суд“, изјави Карабатиќ низ солзи.
Таа посочи дека Павловиќ во пренос на ТикТок собирала пари додека ја навредувала, што Ава го оцени како казнено дело.
Иако минува низ тежок период на жалост, Ава најави и преселба во Словенија, каде што, како што откри, една госпоѓа ѝ понудила голема поддршка и место за живеење.
