Ако сакате да го спарите својот прилагоден iPhone XS Max, кој е декориран со некои од најскапите достапни материјали, со соодветниот Apple Watch Series 4, Goldgenie е вистинскиот бренд за вас.
Овој британски бренд познат по прилагодувањето на скапоцените предмети и креатор на луксузни подароци, го претстави својот нов 24 каратен златен Apple Watch Series 4 асортиман, со најмалку шест различни, неверојатно декадентни опции.
Apple Watch Series 4 моделите се лансирани минатата година, а дојдоа со клучни унапредувања на најпопуларниот паметен часовник во светот. Едно од најочигледните унапредувања е поголемиот дисплеј, кој го следи потенок дизајн на часовникот, што како резултат нуди многу попривлечен изглед на лицето на овој модел, без круна.
Поголемите Series 4 часовници од 40 и 44 мм имаат куќиште практично со исти димензии како и нивните претходници, а покрај тоа, они нудат и нови сензори за работа на срцето, редизајнирана Дигитална круна и молњевито брз процесор.
Брендот Goldgenie го декорираше своето ново Apple Watch издание со различни финиши, вклучувајќи и 24 каратно злато, розево злато и платина, заедно со декорација од различни скапоцени камења. Како дел од најновот асортиман, Goldgenie ги претстави и верзиите декорирани со Swarovski кристали и VS1 дијаманти.
Цените на овој модел се движат од 2.600 долари, а досегнуваат и 144.000 долари, колку што е потребно да се издвои за Gold Apple Watch 4 Diamond Ecstasy верзијата.
