Свеќрвата на пејачката Анастасија Ражнатовиќ, Оливера Гудељ, во последно време е честа тема во медиумите. Иако ретко се појавуваат заедно на јавни настани, а уште поретко објавуваат заеднички фотографии, што предизвикуваше шпекулации за можни затегнати односи, Анастасија се присети низ што поминала по преселбата во Севиља.
На финалето на „Ѕвезди на Гранд“, каде што беше гостинка кај мајка ѝ Цеца, раскажа како ѝ е во бракот, но и што ѝ било најтешко:
„Кај нас ништо не се смени ни пред, ни по потпишување на документите. Животот во Шпанија е совршен, најмногу ми недостига семејството, но самата земја многу ми се допаѓа. Единствената разлика е што не морам веќе да читам преводи“, изјави Анастасија и додаде:
„Бев приморана да учам шпански бидејќи таму никој не зборува англиски, па така и научив. Не ми беше тешко – имав основа од теленовелите што ги гледавме како деца, а малку шпански учев и во училиште, па ми се врати“.
Планира, бидејќи го совладала јазикот, наскоро да аплицира и за шпанско државјанство.
