Хрватскиот модел Дејан Пелиќ се најде во центарот на вниманието откако сфатил дека е жртва на кражба на идентитетот.
Со неговото име и фотографии бил креиран профил на социјалните мрежи, кој се допишувал со многу девојки и одржувал виртуелни љубовни врски повеќе од една година. Една од нив била дури и уверена дека наскоро ќе замине во Хрватска и ќе се венча со него.
Повеќе од 200 девојки стапиле во контакт со него обвинувајќи го за измама, пред всушност да сфатат дека и тој е жртва на уште поголема измама.
Кога се јавил во полиција, сфатил дека нема да му бидат многу од корист бидејќи нема основ за поднесување кривична пријава, односно сторителот е непознат. Дел од измамените девојки уплаќале пари на фиктивна сметка, бидејќи им биле ветувани нешта за возврат.
По сето ова, негов совет е сите на своите профили да користат двојна верификација.
