Многу луѓе се одлучија да носат маски за да се одбранат од коронавирусот, но се воспостави дека тие не можат да нè заштитат во потполност. Други користат антибактериски гелови, креми и сапуни за да ги дезинфицираат рацете и така ја намалуваат можноста од зараза.
Некои луѓе се изолираа и не се појавуваат на јавни места за да го спречат контактот со странци, но што се случува со најинтимниот контакт?
Зборуваме за сексот, а малку се знае за тоа како вирусот се шири кога луѓето ги мешаат телесните течности.
Кога станува збор за другите сексуално преносливи болести, знаеме дека кондомот е најдобар начин за заштита, но дали тој може да нè заштити и од коронавирус?
Досега се документирани 83 илјади случаи со коронавирус ширум светот и има тенденција за пораст во бројката.
„Со оглед на тоа дека ова е нов вирус, не знаеме точно како инфекцијата се пренесува од личност на личност“, рекол докторот Симран Део од Велика Британија.
„Тоа што го знаеме е дека сличните вируси се шират преку кивање и кашлање. Експертите се сомневаат дека случајот е ист и со коронавирусот, но треба да се направат повеќе истражувања.“, додава докторот Део.
Општ совет е да не се приближувате до личност која покажува симптоми на респираторна инфекција.
Заразата со коронавирус може да има и фатални последици, без разлика на тоа дали за време на сексот сте користеле кондом или не. Сепак, треба да избегнувате контакт со заболени личности.
„Сексот со личност која е заразена од коронавирус или се наоѓа во карантин после лечењето, не е препорачлив“, советуваат докторите.
Знајте дека својот партнер нема да го спасите доколку се закашлате и ја свртите главата, бидејќи тогаш вирусот се шири преку воздухот и ја напаѓа другата личност.
Бакнувањето со личноста која е заразена исто така е забранетo, па затоа докторите советуваат дека најдобро е да се воздржите од интимност доколку партнерот е заразен со вирус.
