Се навикнавме во филмовите да гледаме романтични сцени во базен, јакузи, па дури и во море, но дали е тоа толку добро колку што изгледа на екран или во кино?
Постојат многу причини зошто секс во вода е лоша идеја, а ова се само неколку од нив:
Побрзо се сушите
Можеби ви се чини дека сè би одело глатко поради присуството на вода, но лубрикантите всушност содржат состојки кои ја зголемуваат „лизгавоста“, додека водата го измива и природното навлажнување.
Може да биде опасно
Сексот во туш-кабина на филм изгледа заводливо и грациозно, но во реалноста влажната средина може да биде пречка за одржување рамнотежа, па дури да дојде и до одредени повреди поради удирање или лизгање.
Се изложувате на бактерии
Водата во базените, езерата, морињата и во кадите, колку и да е чиста, секогаш е всушност контаминирана со микроорганизми кои лесно може да навлезат во вагината на жената.
Не ви одат во прилог ниту козметичките производи за нега, напротив, тие уште толку може да ја загрозат вагиналната микрофлора или пак да предизвикаат иритации и воспаленија на машкиот полов орган.
Сексот во море е уште полоша идеја, бидејќи самото море е солено, а тоа значи дека во него се растворени минерали кои сигурно нема да им годат на половите органи. За најбезбедна игра, задржете го сексот надвор од водена средина.
