Пејачката Бијонсе (38) започна соработка на својот моден бренд Ајви Парк со спортскиот бренд Адидас, а за колекцијата веќе со денови се зборува. Исто така се зборува и за облините на пејачката која, како што вели бренот, е најдобриот модел за кампањата.
Бијонсе во фокус го ставила својот „славен“ задник, а малку кој успеа да ги примети и чорапа-чизмите со тенка штикла, кои ги носи на себе.
„Да имам такво тело, цел ден би шетала гола“, напишала една обожавателка под фотографијата на Инстаграм. Некои коментирале дека се страшни чизмите на кои стои и се надеваат дека нема да се најдат во продажба.
Колекцијата се состои од повеќе спортски маици, боди, тренерки за жени и за мажи, спортски топ-маици, дуксери и унисекс патики, а многу фанови веруваат дека оваа колекција ќе се распродаде во рекорден рок.
„Сакам да експериментирам со модата, мешајќи скапоцени со попристапни модни парчиња, спортска облека со висока мода, па дури и мажествени и женствени парчиња“, изјавила Бијонсе во интервју за јануарското издание на магазинот Ел.
