После 4 години врска, 28-годишниот Египќанец Најел Насар ја запроси 5 години помладата девојка и ќерка на Мелинда и Бил Гејтс.
„Не можам да дочекам да го поминеме остатокот од животот заедно. Да учиме, растеме, се смееме и сакаме“, напишала на својот Инстаграм профил Џенифер Гејтс.
Џенифер која има диплома по биологија од Стендфорд, се вери со 28-годишниот Египќанец Најел Насар, кој е професионален јавач на коњи, а фотографијата направена во снегот и нејзината реакција во моментот кога долгогодишниот дечко ѝ го поставил прашањето ставајќи го вереничкиот прстен на рака, ги остави фановите без зборови. Насар одлучил да ја запроси за време на заедничкиот одмор на снежните падини, а на својата идна сакана сопруга ѝ купил прстен со огромен дијамант.
