Додека многумина во карантинот пуштија брада, професионалниот модел и амбасадор за производи за нега на брада Карлос Коста го направи сосема спротивното, тој ја избричи брадата првпат по 10 години.
– 10 години не сум си го видел „вистинското“ лице и тоа се променило. Сега имам 40 години, сум остарел и сакам да видам како изгледам без брада – рекол Карлос и додал дека сопругата што ја запознал пред седум години, никогаш не го видела без брада.
За неговата сопруга Џена ова претставува шок.
– Ова е чудно. Не можам да те гледам, не личиш на себе – била реакцијата на Џена.
По првичниот шок, таа воочила дека Карлос сега, всушност, изгледа помладо.
– Знаеш што е чудно? Сега можам да ти ги видам усните додека зборуваш. Никогаш не сум видела како ти се движат усните додека зборуваш – му рекла Џена на Карлос.
