Руската инфлуенсерка Марина Балмашева (35) на пошироката јавност ѝ стана позната поради начинот на слабеење и на обликување на телото што го споделуваше на Инстаграм. Но Марина повеќе не е актуелна со слабеењето, туку поради нешто сосема друго.
Таа објави дека наскоро ќе му стане сопруга на својот посвоен син, кого го запознала кога тој имал само седум години, односно кога стапила во брак со неговиот татко и му станала маќеа.
Марина била во брак со Алексеј (45) 13 години, а потоа се развеле и таа почнала љубовна врска со синот на својот тогашен сопруг, Владимир (20).
Сега, и покрај многубројните негодувања, тие сакаат својата љубов да ја крунисаат со брак.
– Воопшто не се чувствувам старо. Поради него се чувствувам многу младо и сме среќна двојка – рекла Марина, која објаснила дека според неа 15 години воопшто не се некоја голема разлика.
